Tepiswiring

Tamu   : “Pa, ari masang iklan perkawis nu maot dina koran ieu  sabaraha pangaosna ?”
Bagean Iklan : “Saratus rebu !”
Tamu   : “Sakumaha eta teh ukuranana ?”
Bagean Iklan : “Ukuranana mah opat cm ke gigir, jangkungna we 2 cm, tapi kedah sabaris.”
Tamu   : “Aduh mani awis-awis teuing. Mangka abdi teh bade masang dua sareng iklan ngical motor.”
Bagean Iklan : “Tapi da tiasa dina sabarisna lima kecap mah. Ngan panginten aksarana rada dialitan.
Tamu   : “Sok we atuh mun kitu mah. Tah kieu unina :
MOTOR DIJUAL MURAH KARIM MAOT

Endang : “Sep, cenah silaing kamari pasea jeung pamajikan ?”
Asep   : “Heueuh Dang, keuheul tuda unggal poe ngomel wae.”
Endang : “Terus, pamustungannana kumaha pasea teh ?”
Asep   : “Manehna kuat ka ngorondang nyampeurkeun ka dewek.”
Endang : “Wah, hebat silaing mah bisa meruhkeun pamajikan.”
Asep   : “Meruhkeun kumaha ari silaing ?”
Endang : “Eta we pamajikan nepikeun ka ngorondang nyampeurkeun silaing ?”
Asep   : “Enya ngorondang teh ngudag dewek bari mawa paneunggeul, lantaran dewekna nyumput di kolong ranjang.”

Mang Sobri      :  “Gol! Gol! Persib meunang euy!”
Usin                 :  “Bapa, naon ari gol teh ?”
Mang Sobri      :  “Gol teh asup, Jang!”
Semah             :  “Punten!” Jang ari si Bapa aya ?”
Usin                 :  “Aya. Sok we gol!”